Би рекле дека се, но нема да сте во право.

Шведската модна куќа H&M е на мета на критики затоа што за новата рекламна кампања ги искористиле главите на манекенките „наместени“ на дигитално нацртани тела.

Корисниците на сајтот H&M забележале дека сите девојки на страницата со костими за капење имаат апсолутно идентична поза, став, пропорции на телото... портпаролската служба на компанијата набргу се огласила со соопшение.

„Ние продаваме облека, не жени, така што намерно ставивме дигитално направени тела со глави од вистински манекенки. Фокусот е на облеката, не на моделите“, се наведува во соопштението.

Сите „манекенки“ имаат идентични тела, а разликата е единствено во бојата на кожа која е доработена за да се согласува со лицата на моделите.

Норвешката радиодифузна агенција и порано ги критикуваше рекламите на таа куќа, и сега иронично соопшти дека е баш чудно што авторите на кампањата H&M во морето манекенки не пронашле ниту една која би ја носела нивната облека, туку морале да направат виртуелни.