Наместо на меден месец, штотуку венчан пар поради тепачка завршил во затвор.

Една свадба во Чешка се завршила прилично невообичаено, невестата и младоженецот по брачните завети размениле и по неколку шлаканици.

Младенците се скарале во еден ресторан југоисточно од Прага, а потоа почнале да се тепаат, соопштила полицијата.

Како што пренесе една новинарска агенција, младенците биле пијани, а за време на тепачката се здобиле со многу модрици.

Невестата (31), која одбила да направи алко-тест, сместена е во ќелија за трезнење, затоа што полицајците се плашеле дека би можела повторно да го нападне сопругот.

На новопечениот брачен пар сега му се заканува парична казна поради физичка пресметка на сопствената свадба.