Некогаш поради навреда на тајландскиот крал се останувало без глава, а денеска се оди „само“ во затвор.

Тајландскиот министер за информирање Анудит Накорнтап ги предупредил своите сонародници дека на социјалните мрежи се пронајдени повеќе од 10.000 страници материјал кои содржеле навредливи пораки до кралското семејство.

Накорнтап предупредил дека е доволно корисниците на Фејсбук само да ги „лајкнат“, споделат или следат било какви информации кои содржат навреди на сметка на кралското семејство и дека само поради тоа можат да трпат сериозни последици. Тие личности можат да бидат обвинети за кршење на законот, а предвидената законска казна е до 15 години затвор.

Министерот поради тоа на тајланѓаните им советува ако наидат на такви содржини наместо „лајк“ да претиснат „анлајк“ и да ги отстранат сите коментари за кралското семејство.

Тајланд од порано е познат по своите ригорозни закони кои немаат апсолутно никаква врска со тоа од која националност сте. Поради слични причини во 2007 година е затворен еден швајцарец, а во 2009 писател од Австралија.

Швајцарецот со спреј нацртал слика од кралот и за тоа доби 10 години затвор. За негова среќа, кралот го помилува по неколку месеци. Австралијанецот исто така имаше среќа. Помилуван е откако е осуден три години затвор поради пишување навредлива содржина за кралското семејство во својот роман.