Поголемиот број луѓе сурфаат по интернет чисто од забава, без некоја посебна причина или за да го „убијат“ времето, покажа неодамнешно истражување.

Студијата на истражувачкиот ценар Пју открива дека 53% од американците, на возраст од 18 до 29 години, одат на интернет без некоја посебна причина, а дури 81% од испитаниците рекле дека тоа го прават барем повремено.

Младите не се исклучок. И останатите старосни групи го користат интернетот за безделничење - речиси 58% од возрасните признале дека сурфаат од чиста забава, додека во 2006 такви биле 45%.

Истражувачите од ова заклучуваат дека интернетот стана еден од главните начини на кој луѓето, како оние младите, така и оние старите, го поминуваат своето слободно време.

Тие истакнуваат дека порастот на бројот на луѓе кои интернетот го користат од забава се поклопува со порастот на бродбен конекцијата, социјалните мрежи и видеа.

Во истражувањето учествувале 2.260 личности постари од 18 години.