Една британка, кога купила портокалово-розев камен за 20 фунти не ни помислувала што всушност добила.

Нејзината четиригодишна ќерка често си играла со брошот на кој бил каменот, а потоа еден ден ја прашала мајка си зошто е тој толку сјаен и убав - како да е вистински.

Каменот обрабен со лажни дијаменти совршено ја прекршува светлината, а професионалците велат дека претставува редок примерок на накит од почетокот на 19 век. Каменот веројатно бил дел од некоја скапоцена огрлица која можеби го красела вратот на некоја руска царица.

Сега ќе се најде во рацете на некој колекционер затоа што неговата вредност е проценета околу 4.000 фунти и наскоро ќе биде продаден на аукција.