Мештаните поминале 12 часа во обид да спасат една мачка, за која излегло дека е само играчка.

Едно семејство од Мелфреј во Британија пријавиле дека им избегала бремена мачка, а три дена подоцна од еден запечатен контејнер за рециклирање се слушнало мјаукање.

Сопственикот на контејнерот веќе го имал спремено за праќање во погон за рециклирање, но еден од работниците порано му кажал дека на соседите им избегала бремена мачка, па се преплашил и ја повикал итната служба.

Бидејќи тие со себе не понеле адекватен алат, контејнерот е префрлен во работилница оддалечена 20 милји, каде работниците ги искористиле тестерите за челик и го исекле контејнерот. Потоа почнале внимателно да ја отвараат и пребаруваат секоја ќеса со ѓубре, за да откријат од која повремено се слуша „мјау, мјау“.

Еден од нив ја нашол таа ќеса и од неа извлекол плишана мачка-играчка.

„Луѓето ‘умираа’ од смеа, направивме вистинска филмска акција на спасување на маче. Беше многу смешно, но малку и ни беше срам“, рече Џасмин Хејзелхерст од локалното друштво за заштита на животни.