Американка се обидела да ограби бензинска станица „наоружана“ со играчка во облик на пингвин.

Ендри Лин Џеферс (26) се обидела „креативно“ да ја ограби продавницата на бензинска станица во Јавапај, Аризона. Влегла во продавницата пред крајот на работното време и на касиерката и покажала „врзоп“ под јакната, за кој тврдела дека е бомба. И се заканила дека ќе ја разнесе пумпата, доколку веднаш не и ги даде сите пари од касата.

Работничката ја известила дека шефот веќе го однел целиот пазар и и ја покажала празната каса, па Џеферс заминала со празни раце. Работничката го запишала бројот на нејзините таблички и ја повикала полицијата, која бргу ја лоцирала несудената ограбувачка.

Кога и извршиле претрес, излегло дека „бомбата“ била плишана играчка во облик на пингвин. Џеферс е уапсена и обвинета за обид за грабеж.