Една британка толку многу ги сака романите на сестрите Бронте, што животот го поминува облечена како една од нив.

Лин Мари Канлиф (49) живее во Кили, близу Хејворт во кој живееле сестрите Бронте, познати писателки на романи од 19 век.

Канлиф носи рачно сошиени костими во стилот на Џејн Ејр и кога е дома, и кога оди по своите деца во училиште, па дури и кога оди во локалниот Мек Доналдс.

„Ги обожавам сите романи на сите сестри Бронте, и почнав пред три години да се облекувам како Шарлот. Останатите сестри умреле премногу млади, па ја избрав неа, но мислам дека во душата сум најблиска на Емили Бронте“, рече Канлиф, која станала вистинска локална атракција.

Таа потрошила повеќе илјади фунти за да сошие околу 50 неверојатно детални костими, кои секојдневно ги носи по градот.

„Се чувствувам како да сум во ‘Окрански височини’ кога ги носам своите кучиња на прошетка. Луѓето ме препознаваат на улица, па еднаш дури една девојка од продавницата ме избрка и ми рече да се вратам облечена како Шарлот, бидејќи дојдов во фармерки“, рече Канлиф.

Таа додаде дека, иако сака да живее како во романтичен роман, на овој начин сака да ги заинтересира сите луѓе, но посебно младите, за делата на сестрите Бронте.