Незадоволен хакер ја хакирал страницата на такси службата која го „зафркнала“.

Личноста потпишана како D3t0x (Detox) ја хакирала страницата на хрватското „Такси Кема“ и ја оставила следната порака.

„По 30 повици до вашата служба, ми пративте пет таксиња, од кои ниту едно не дојде, но на крајот од месецот ми доставивте сметка од 43 куни само за тие повици. Крадци низаедни!“, осамнало на сајтот на таа такси компанија.

Незадоволниот хакер напишал и препорака до сите кои ќе дојдат на сајтот да ѕвонат на конкурентското такси или да се потпрат на градскиот превоз.

Истата личност во октомври ја хакирала и интернет страницата на една скара, и ја оставила пораката: „Наместо џиберинки, следниот пат пратете ми ќебапи со лук“.