30 годишната Бразилка, Марија Аудете до Насцименто поради многу ретка болест изгледа како 9 месечно девојче...

"Жената-дете" родена е на 7 мај 1981 година. Пореметување и било дијагностицирано кога била дете, Марија денес би можела да има нормален живот бидејќи лекот постои, пишува The News Tribe.

Но, Марија се родила во многу сиромашно семејство. Таа живее во куќа изградена од кал во бразилскиот град Сеара. Со неа живее и нејзиниот татко и неговата сопруга Дора која ја превземала грижата за Марија пред 13 година, откако починала нејзината мајка. Семејството поради сиромаштијата неможе да и обезбеди никаков медицински третман, па Марија и понатаму останува на ниво на мало дете кое не може да се грижи за себе. Таа дури незнае ниту да зборува.

Експертите од медицинскиот универзитет на Сеара веруваат дека тироидната жлезда на Марија не лачела доволно тироидни хормони. Како резултат на хипотироидизам нејзиното тело неможе да се развие нормално ниту физички, ниту психички. Лекарите од факултетот се согласија за лекување на Марија со цел бесплатно барем да ја научат да биде самостојна - да научи нормално да оди, да јаде и да зборува барем неколку реченици.