Тоа е одбрана која ја изнел поранешен полицаец, обвинет за неколку случаи на кражба.

Џозеф Хју од Маунт Гилард во Охајо бил обвинет по 21 точки, меѓу кои се кражби на 12 клима-уреди, генератори и друга бела техника.

Сите тие предмети исчезнале од канцеларијата на шерифот додека Хју работел таму, а полицијата во неговиот подрум ја пронашла украдената роба.

„Знам дека ќе звучи глупаво, но тоа го направија духовите“, рече Хју пред судот.

„Долго време собирам докази за паранормална активност во подрумот, но сега дефинитивно знаеме дека таму има духови, затоа што тие ја донеле украдената роба и овде ја сокриле“, рече тој.

„Ова е веројатно најбесмислената одбрана која некогаш сум ја слушнал“, рече згрозениот обвинител Том Елкин.

Судијата не бил подготвен да поверува во такво „холивудско“ сценарио на кражба, па Хју го прогласил за виновен по сите точки на тужбата.