Корисниците на Apple iPhone се најверни на својот телефон, покажаа резултатите од најновата анализа на истражувачката компанија GfK.

Истражувањето спроведено во Европа, САД, Кина и Јапонија покажало дека поголемиот број корисници на iPhone не се подготвени да се откажат од својот паметен телефон и да се определат за некој од конкурентските.

Утврдено е дека 84% од сопствениците на паметен телефон од компанијата Apple планираат да се задржат на Apple уредите и при изборот на својот нареден модел на телефон, а не да се определат за конкурентските.

На второ место по верност со 60% се сопствениците на телефони под оперативниот систем Android кои планираат да се задржат на нив, додека на трето место се наоѓаат оние верни на моделот телефон BlackBerry на канадската компанија RIM, со 48%.

Истражувањето покажало дека кориснциите кои неодамна преминале на телефони под операниот систем Android порано користеле други, а не iPhone.

Аналитичарите на компанијата GfK проценуваат дека паметните телефони ќе се најдат на листата предмети кои ќе бидат дарувани за време на празничниот период што следува.