Русинка си ставила силикон во устата повеќе од 100 пати за да личи на омилената цртана хероина.

Кристина Реј (22) од Санкт Петерсбург во Русија потрошила околу 6.000 долари на естетски зафати на усните.

Таа за локалниот печат рекла дека секогаш била несреќна поради своите тенки усни, и дека мисли дека затоа децата ја зафркавале и исмевале во училиштето, па штом доволно пораснала, одлучила радикално да го промени својот изглед.

„Веќе на 17 години прв пат ставив силикон во устата. Презадоволна сум со резултатите. Знам дека на некои луѓе не им се допаѓаат моите усни, но јас мислам дека се преубави“, рече Кристина.

Таа се пофали дека веќе собира пари за наредното ставање силикони, бидејќи се уште не е задоволна со големината на усните.

Кристина додаде дека уште немала оперативни зафати на други делови од лицето и телото, но дека планира да ги зголеми градите и да ги оперира очите за да и бидат закосени, баш како на Џесика Рабит.