Властите на еден град во Сијера Лонеу, нудат петгодишна стипендија за девојки кои ќе ветат дека ќе ја сочуваат својата невиност до крајот на универзитетските студии.

Целта на оваа необична одлука е да се намали бројот на тинејџерски бремености, рече еден од претставниците на јужниот град Бо, додавајќи дека тимови од женски лекари ќе бидат задолжени да ја потврдат невиноста на кандидатките.

Меѓутоа, акцијата наишла на критики од одреден број родители како и организации за заштита на женските и граѓанските права, кои сметаат дека со тоа се „кршат човечките права на девојките“ и дека тоа „не е вистински начин да се сврте внимание на проблемот тинејџерска бременост“.

Градските старешини истакнуваат дека нивната понуда има двојна предност - „не само што со овој метод ќе биде искоренет проблемот на малолетничка бременост, туку и ќе се зголеми бројот на образовани жени во земјата“.

Тие се уверени дека, доколку акцијата се покаже успешна, нивниот пример ќе го следат и други градови.

До оваа одлука управата на градот Бо дошла по извештајот за загрижувачкиот пораст на бројот на тинејџерски бремености и абортуси.

Во министерството за социјално старателство наведуваат дека од јануари до септември оваа година се забележани 500 случаи на бременост меѓу малолетниците само во една област.