Нема да верувате кои се состојки се наоѓаат на рецептот за една од најскапите пити на светот.

Традиционалната слатка пита со месо е едно од омилените јадења кои британците го прават во очи на Божиќ, а во Лондон е претставена најскапата таква пита на светот.

Рецептот за овој „десерт“ датира уште од 17 век, и обично содржи мелено месо, маст, кора од портокал, сливи, како и цимет и мускатно оревче.

Во питата традиционално се става и паричка, а во оваа ќе најдете кованица од чист платинум. Питата е зачинета со ванила и цимет од источните пазари, и посипана е со скапоцен амбергри шеќер кој се добива од китовите.

За мешање на тестото употребена е света вода од Лурда, а питата е обвиткана во фолија од платинум. Шарата која обично се црта со нож на горната кора е дело на врвни дизајнери, а изгравирана е на кората со помош на ласер.

Можеби помисливте дека оваа пита е доволна да го нахрани целото семејство на празнична вечера, но се излажавте - има големина на помала јаболка, таман за два залака.

Цената на питата се проценува околу 3.000 фунти, а овој скапоцен десерт ќе биде продаден на аукција.