Kога разбрал дека богатството не го прави среќен, тој направил нешто што повеќето луѓе би го сметале за лудост...

Пред две години, 47-годишниот австриец Карл Рабедер од австрискиот град Телфс разбира дека богатството нема да го направи среќен и решава целосно да го смени начинот на живот.

Тој продал се што имал - фирмата, лимузини, спортските автомобили, приватниот авион, луксузна вила во Алпите и сите приходи од тоа ги префрла во хуманитарна организација која дава мали заеми на земјите од Третиот свет.

Сега Карл заработува 1400 евра месечно од предавања, кои тој ги дава на бизнисмени на тема за "новиот живот и како живее во скромна куќичка".

"Ги гледав сите слики од времето кога имав огромно богатство и на секоја од нив изгледав сиромашно и несреќно. Сега се радувам на вистинските работи - љубовта, светлината на сонцето, свежиот воздух и тоа ќе ве направи и вас среќни, а не парите", ја открива тајната на среќата Карл со широка насмевка на лицето.

На оние кои не му веруваат Рабедер ги советува, да запишат што навистина ги прави среќни и добро да размислат за тоа.