Еден салон за убавина во Австралија се рекламира на необичен начин - со бикини депилација и педикир на трениран крокодил.

Салонот Parap во Дарвин своите услуги ги рекламира со помош на необични „клиенти“, женски крокодили од локалниот резерват за рептили.

На „муштериката“ и е направен педикир, релаксирачка масажа и бикини депилација, што вработените го овековечиле со фотографии кои потоа ги ставиле на интернет.

„Сезоната на парење е речиси зад аголот, па сакавме да ја направиме неодолива пред враќањето во резерватот“, вели сопственичката на салонот, Луен Грасмедер.

Се разбира, не ја мачеле кутрата крокодилка за да ја разубават, туку тоа е само рекламен трик за нивниот нов третман кој би омекнал „дури и кожа на рептил“.