Една жена од Русија тврди дека совршено чувала тело на суштество од вселената во својата кујна...

Марта Јегорвна рекла за рускиот печат дека пред две години на сред ноќ чула чуден звук во близина на својата куќа во западна Русија.

Излегла во мракот да го бара изворот на звукот и наводно пронашла остатоци од еден мал вселенски брод кој сеуште чадел. Во близина на остатоците пронашла тело на непознато суштество.

Марта тврди дека телото го однела во куќата, каде утврдила дека не дава знаци на живот, а потоа го завиткала во целофан и го ставила во замрзнувач.

За нејзината приказна била заинтересирана и академијата на науките во Карелијан, која сега го врши испитувањето на телото.

"Можно ли е да станува збор за вешто извршена измама, но не смееме да ја отфрлиме можноста дека станува збор за суштество од вселената", рекол експерт за неидентификувани летачки објекти, Мајкл Коен.