Се додека има контролни задачи, ќе има и препишување, но не и во едно училиште во Кина.

Вработените во едно средно училиште во провинцијата Хубеј во Кина, нашле начин како да му застанат на патот на препишувањето. Секогаш кога некој од професорите прави контролен тест, учениците од училиштето ги земаат своите хартии, пенкала, столови и клупи и ги вадат надвор.

Наместо за кошарка или фудбал, нив училишниот терен им служи за контролни тестови. Причина? „Има место, па клупите можат да се оддалечат колку што сакаме. На тој начин учениците не можат меѓу себе да се договараат и да си праќаат ливчиња со пораки“, рече еден од професорите.

Додека учениците го прават тестот, наставниците гледаат од високо, поточно од самото училиште, од каде им се пружа поглед на цело игралиште.

Учениците повеќе не можат да си дошепнуваат ниту да препишуваат од попаметниот пред себе, туку мораат да се потпрат на традиционалните методи - учење и читање на ливчињата кои ги спремиле за тестот.

Како изгледаше нивниот контролен тест пред некој ден (овој месец), можете да видите овде.