...смеењето подмладува.

Заборавете на ботоксот и затегнување на лицето, оставете ги кремите против брчки, се што е потребно за да изгледате помлади е да се насмевнете.

Истражување покажало дека насмевнувањето најефикасно за момент ги брише годините од лицето. Германските психолози велат дека причина за таквиот ефект најверојатно е фактот дека луѓето кои зрачат со радост ги доживеваме како атрактивни и привлечни на многу различни нивоа, меѓу другото и како помлади отколку што се.

Брчките кои настануваат кога се смееме го отежнуваат проценувањето на староста на личноста која се смее, утврдиле научниците од институтот Макс Планк во Берлин. Тие спровеле истражување во текот на кое од 150 испитаници се очекувало да ја проценат староста на повеќе од 1.000 луѓе чии фотографии им биле покажани.

Излегло дека испитаниците најчесто ја „погодувале“ староста на личноста која на фотографијата имала неутрален израз на лицето, намуртените луѓе добивале некоја година плус, а оние насмевнатите со ведар израз на лицето биле прогласени за помлади отколку што навистина биле.

И уште нешто: иако жените генерално повеќе се оптеретуваат со годините и стареењето, испитаниците на дамите од фотографиите во просек им „намалувле“ по три години, во однос на мажите на иста возраст.