Најголемиот жолт дијамант на светот кој има 110 карати до сега е чуван во Националниот историски музеј во Лондон, а наскоро ќе заврши кај некој од светските богаташи.

Овој скапоцен камен Sun Drop, кој е пронајден минатата година во Јужноафриканската Република, со големина на човечко око, наскоро ќе биде на аукција во Женева.

Иако постојат тврдења дека има и поголеми жолти дијаманти, Sun Drop е единствениот досега познат на аукционерите и златарите.

Неговата вредност се проценува меѓу 11 и 15 милиони долари. Овој благороден камен до сега никој немал шанса да го носи, за разлика од благородниот камен кој го поседувала Елизабет Тејлор, па затоа неговата вредност е повисока.