Поделете ја својата тајна со најдобрата пријателка, девојка или жена. Таа ќе ви вети дека ќе го чува јазикот зад заби...

...дури половина час! Една козметичка компанија спроведе анкета на 3.000 жени. Се покажало дека 1 од 10 жени признава дека не може да чува тајна, без оглед на тоа колку таа е важна или лична. Дури 85% учеснички изјавиле дека „умираа“ од желба да ги слушнат тајните и озборувањата од другите.

Повеќе од половина испитаници потврдиле дека имаат потреба да ги поделат своите тајни со другите и дека така се чувствуваат полесно. Дури 13% од испитаниците потврдиле дека понекогаш намерно шираат озборувања.

Портпаролот на козметичката компанија изјавил дека оваа анкета покажува дека жените навистина се мачат додека се обидуваат да чуваат нечија тајна.

Периодот од половина час е кратко време кое жените можат да го издржат, а да не ја прошират тајната понатаму. Социјалните мрежи и новата технологија само им ја олеснуваат „работата“.

Иако никој не ја оспорува вината за толку кратко чувани тајни, сепак постојат разлики ако се работи за најдлабоки тајни или сочни мали. Ако жените длабоко веруваат дека е важно да се чува некоја тајна, тие тоа ќе го сторат, посебно ако личноста која им ја доверила им е многу важна.