Британската полиција уапсила 19 криминалци, и тоа со „штосот“ бесплатно пиво...

Полицијата во Дербишир мачи мача со злосторниците кои избегнуваат апсење и се кријат, и никогаш не се на адресата на која се пријавени. Затоа полицајците ги наместиле, и на нивните куќни адреси испратиле писмо во кое ги известуваат дека во една рекламна акција освоиле гајба пиво.

Во писмото имало и телефонски број на кого требало да се јават и да договорат каде да им биде испорачано пивото.

Кога криминалците дошле на дадените адреси да ја земат својата гајба пиво, ги дочекале полицајци со лисици. На овој полициски „штос“ се фатиле дури 19 од триесетина злосторници.

„Се покажа дека ваквото мамење е многу ефикасно, но и поевтино отколку да ги гониме“, рече инспекторот Грејем Меклафин, кој ја смислил акцијата со пивото.