Астролозите и други езотерици велат дека на денешниов датум ништо не може да тргне на лошо.

Ова е, тврдат, ден за „позитивности“, дури и ако се присутни „сили“ кои се овде за да ја расипат работата.

Индијскиот астролог и нумеролог, Сисвари Нитијананта Гурукал вели дека збирот на сите броеви од денешната дата го даваат бројот 8, а тоа е, тврди тој, број кој симболизира моќ, барем според влијателните источни учења. „Со овој број зад себе не можете да погрешите“, вели Сисвари.

Полната Месечина, која се поклопува со овој датум, според Сисвари, значи радост и просперитет и им овозможува на луѓето да се запознаат со квалитетот на овој момент. „Месечината е еднакво важна како и Сонцето, затоа што заедно го прават балансот на светот“, вели Сисвари.

За Сисвари денешниот ден, со оглед на својот датум, е ден на добрата среќа, кој ги отстранува сите фактори кои го реметат тоа, а за максимално да го искористат благодетот на денешниот ден, луѓето, според зборовите на Сисвари, треба да носат облека со светли и нагласени бои.

Позитивната енергија која наводно ја носи денешниот ден, е исклучително погодна за склопување бракови и слични одлуки кои долгорочно се стремат кон среќа.

Па, ако веќе немате направено нешто вакво, а ви се чини логично...