Мажите, покажало истражувањето, не внимаваат на безбедноста на социјалните мрежи и сакаат да „влезат“ на профилите на кои жените се оскудно облечени.

Дека мажите повеќе „изневеруваат“ на Фејсбук покажало истражувањето кое опфатило повеќе од 1.500 корисници во Велика Британија и САД. Но, тоа не е единственото интересно нешто.

Мажите на интернет се многу невнимателни. Почесто прифаќаат пријателство од непозната личност, ја објавуваат својата адреса, ги игнорираат опциите за безбедност и го оставаат профилот целосно „отворен“ за сечии погледи.

Дури 64% од жените никогаш не прифаќаат повик за пријателство од непознати личности. Кај мажите таа статистика е на 55%. Многумина „за пријателка“ ќе прифатат непозната, но згодна и убава жена. За разлика од нив, жените не прифаќаат пријателство од непознат маж, па дури и ако им е многу згоден.