Малата Меди Робинсон од Австралија ги има најдобрите и најлудите родители на светот... и лав во креветчето!

Кога малите раскажуваат за своите носорози, папагали и крокодили, тие мислат на плишани играчки кои ги добиле од своите родители, но кога тригодишно девојче од Австралија ви „зборува“ за лавот Саси, таа мисли на вистински лав.

Родителите на малата Меди се сопственици на зоолошка градина во Пилтон и тие на својата ќерка и дале шанса да се грижи за три недели старото лавче Саси.

Меди и Саси го делат „креветчето“ и играчките и нивното пријателство ќе трае неколку недели, зависно од тоа колку на малиот лав ќе му треба време да се „осамостои“.

„Меди моментално е погруба од него“, рече мајката за локалната телевизија.