Резултатите од новото истражување на британските научници го потврдија логичниот факт дека децата чии родители се слаби и самите имаат голема веројатност да бидат слаби.

Научниците од универзитетскиот колеџ во Лондон ги анализирале податоците за родителите и децата од 7.000 семејства кои учествувале во големото истражување спроведено од 2001 до 2006 година, објавено е во стручното списание Archives of Pediatrics & Adolescent Medicine.

Истражувачите откриле дека децата чии двајца родители биле во послабиот дел на скалата за здрава телесна тежина, и самите ќе бидат послаби.

Наспроти тоа, децата чии родители биле во горниот дел на скалата за здрава телесна тежина, имале веројатност од само 7,8% да бидат слаби - слаби биле само 2,5% од децата чии двајца родители биле дебели.

Професорката Џејн Вардл, една од учесничките во истражувањето, истакнала дека родителите често се загрижени дека нивните деца се преслаби, но тоа би можело да биде само поради нивните „слаби гени“.

„Сите гени имаат две верзии кои се нарекуваат алели, а децата кои ќе наследат повеќе слаби алели од своите родители, ќе бидат послаби“, истакна д-р Вардл.