Не можеме да прогласиме подобар уметник од Природата, која може да даде толку многу ремек - дела со совршени пропорции од кои може да ни застане здивот...

1. Замрзнати водопади

Растењето на замрзнатиот водопад се случува постепено, со прогресивно замрзнување на водата која паѓа. Има илјадници замрзнати водопади во светот. Еден од нив е лоциран во Пекинг и ги привлекува туристите со својата убавина.

2. Пештери од мраз

Пештерите од мраз се вид на природни пештери само со значително количество на мраз, температура под 0 преку целата година и водата да минува низ ладните зони. Најголемите познати пештери од мраз се наоѓаат во Австрија.

3. Кругови од мраз

Овој редок феномен најчесто може да се види во екстремно студените земји. Научниците прифатиле дека генерално круговите се формираат кога површината од мразот повеќе се собира во центарот на телото на водата отколку на краевите. Река која бавно тече за момент може да создаде бавен вител кој ротирајќи ќе создаде диск од мраз. Круговите од мраз можат да имаат дијаметар и до 500 стапки.

4. Ледени крампони

Овие чудесни ледени крампони можат да се најдат во планинските глечери со различна големина. Чиле е дом на многу ледени формации, па и на овие шилци.

5. Ледени рафтови

На Арктикот можете да видите секакви ледени форми со различни геометриски контури. Островот Ellesmere е познат по своите ледени рафтови кои почнаа да исчезнуваат со огромна брзина поради климатските промени и глобалното затоплување. Научниците предвидуваат дека овој еко-систем за брзо време ќе биде целосно изгубен.

6. Ледени цветови

Ледените цветови се формираат на нов слој на морскиот мраз од заситената водена пареа која доаѓа од под мразот. Во допир со ладниот воздух, пареата почнува да замрзнува, а солта на површината на ледот почнува да кристализира, добивајќи прекрасни форми. Едно од најубавите замрзнати чуда на планетата Земја, замрзнатите цветови, сеуште се мистерија за луѓето.

7. Пругасти ледени брегови

Ледените брегови во зоната на Антарктикот понекогаш добиваат пруги кои се формираат поради слоевите на снег кој реагира на различни услови. Сините пруги најчесто се формираат кога пукнатините во ледената површина се полнат со вода и се смрзнуваат толку брзо што нема балонски форми во замрзнатата вода. Доколку водата содржи алги, се ствараат зелени пруги. Кфеавите, жолтите и црните пруги се создаваат поради постоењето на седименти од дното на морето.

8. Глечери

Глечерите едноставно претставуваат акумулација на снег кој се претвара во мраз во тек на илјадници, па дури и милиони години. Глечерите имаат важна улога како регулатори на екосистеми, водени извори и имаат улога во одржувањето на топлината на земјата. Глечерот Perito Moreno кој се наоѓа во Аргентина е доказ дека сеуште можат да опстојат ледените формации.

9. Снегулки

Снежните кристали се формираат кога малите супер ладни капки кои паѓаат од облаците, се смрзнуваат. Оие капки можат да останат во течна агрегатна состојба дури и на -18 степени Целзиусови, затоа што за да се смрзнат потребно е неколку молекули да се сврзат и да формираат аранжман сличен на ледена решетка.

10. Замрзнат приливен бран

Иако изгледа дека е замрзнат приливен бран, сепак не е вистина. Овој „замрзнат приливен бран“ се формира поради движење на глечерите. Навистина добро!