Жена од Флорида има необични модели со кои прави уметнички фотографии- две сиви верверички кои живеат во нејзината градина...

Ако се прашувате како на моделите им успеав така лесно да се трансформираат, знајте дека боите и реквизитите не играат баш многу голема улога. Станува збор за талент, некој го има, некој не, а некој „бог го надарува“ и со голема влакнеста опашка...

Пензионираната поштарска работничка од Флорида, Кети Прин, своето слободно време го поминува занимавајќи се со уметничка фотографија. Таа не изнајмува манекени и манекенки за своите фото сесии, таа едноставно излегува во дворот од својата куќа и ги „повикува“ двете верверички да и се придружат.

Нејзините фотографии изгледаат како слатки, симпатични разгледници, но трудот кој таа го вложува за да ја намести верверичката зад клавирот или масата за билијард бара многу трпение и малку путер од кикиритки.

Без разлика дали туркаат инвалидска количка или возат скејтборд, овие верверички со секоја нова поза стануваат се поголем хит на интернет.