На 4 ноември, 2001 година, беше одржана првата светска премиера на најуспешната филмска франшиза во историјата на киноматографијата...

На денешен ден, пред точно десет години во „Одион Синема“ на булеварот Лестер во Лондон беше одржана првата премиера на „Хари Потер и Каменот на мудроста“, првиот дел од мегауспешната филмска фрашиза за младиот волшебник.

Обожавателите кои што присуствуваа на тој настан, имаа шанса прв пат да ги видат младите ѕвезди на црвениот тепих.

„Хари Потер и Каменот на мудроста“ заработи 974.8 милиони долари и се искачи на второто место на најуспешни филмови, во тоа време, веднаш зад „Титаник“.

Тоа беше добар знак за серијалот, кој произведе уште седум успешни долгометражни филмови, а младите актери сега се вистински ѕвезди.

Да се потсетиме како изгледаа главните ликови во тоа време, како и писателката на „Хари Потер“ серијалот.