Слушајќи го звукот на чкрипење нокти по површина каква што е таблата, за многу луѓе е неподнослив. Група научници од Виена и Келн во своето истражување открија зотшо тој звук ни е толку иритантен.

Истражувачите на чело со Мајкл Оехлер од факултетот за комуникации и медиуми од Келн, откриле дека нашите уши се така конструирани за да ги засилуваат звуците кои се на слична фреквенција како и човечкиот глас, па од таа причина звукот на чкрипење нокти дополнително се засилува во ушите и со тоа станува неподнослив и иритантен.

Звукот како што е чкрипење на нокти по табла е на ниво меѓу 2000Hz и 4000Hz, како и човечкиот говор, па изненадувачки е фактот дека најлошите и најиртантните звуци се наоѓаат баш на тоа ниво на фреквенција.

За тоа можеме да го „обвиниме“ човечкото уво и каналот кој звукот на чкрипење нокти ни го претвара во неподнослива и вознемирувачка бука.