Истражувањето кое група епидемиолози од универзитетскиот факултет во Лондон го спровеле меѓу постари личности покажало дека луѓето кои се среќни живеат и до 35% подолго од несреќните.

Луѓето кои се задоволни од својот живот имаат поголеми шанси да си го продолжат животот од оние со негативен став, е резултато од истражувањето кое во период од 5 години опфатило околу 4.000 личности на возраст од 52 до 79 години.

Земајќи ги во обѕир различните фактори како што се годините, полот, здравјето и начинот на живот, истражувачите утврдиле дека позитивниот став и среќата влијаат на продолжување на животот.

Тие објаснуваат дека посреќните луѓе полесно ги надминуваат трауматичните случувања во животот, повеќе се дружат и ги остваруваат своите цели.

Иако на основа на оваа студија не може да се заклучи дека постои прецизна врска меѓу среќата и долговечноста, научниците сметаат дека посреќните луѓе полесно се носат со секојдневниот стрес кој е причина за многу смртоносни болести.