Мишел Вилијамс за списанието Elle прозборе за големиот притисок пред снимањето на филмот за Мерилин Монро. Актерката најмногу се грижела за реакциите на луѓето по прикажувањето на филмот...

Се работи за улога за која многу актерки сигурно би ја дале својата десна рака, а истата ја доби токму Мишел Вилијамс! Актерката призна дека да се глуми холивудската икона Мерилин Монро било исцрпувачко и ужасно чувство.

Во филмот „Мојата недела со Мерилин“, Мишел ја глуми Мерилин која поминува четири месеци во Англија и се подготвува за улога во филм.

Мишел рече дека за малку ќе ја одбиела улогата, иако знаела дека ја сака штом го прочитала сценариото. Режисерот долетал дури до Њујорк за да и ја понуди улогата, а таа вели дека не била сигурна дека може да ја прифати и го молела режисерот да направи вистинска аудиција.

„Сакам двајцата да знаеме дали сум јас за таа улога, но не сакам да мислиш дека сум ја добила оваа улога од некои други причини освен поради тоа што сум способна за неа“, му рекла таа на режисерот на филмот.

„Бев толку преплашена. Застрашувачки е да живееш од човечките очекувања, како и моите сами очекувања. Сакав да скокнам на првиот воз до Алпите и да побегнам затоа што беше застрашувачки“, изјави таа за списанието.