Иако била во деветти месец беменост и пораѓањето можело да почне секој момент, таа одлучила сепак да се обиде да го положи возачкиот испит и успеала во тоа!

Шкотланѓанката Ема Френч (20) првите породилни контракции ги почувствувала додека се наоѓала зад воланот на автомобилот, но не додека се возела во брза помош, туку додека била на возачки испит.

Иако ја советувале да не оди да го полага испитот, затоа што би можела да се породи во колата, таа не се откажала затоа што сакала во породилното да оди со возачка дозвола.

Лудост или не, но Ема е сега пресреќна мајка-возач.

„До дозвола не се доаѓа така лесно и не сакав да го пропуштам испитот, затоа што во март паднав и чекав се до сега. Да го пропуштев овој, следниот би бил дури кога ќерка ми ќе прооди, па не им кажав на инструкторот и комисијата дека мојот термин за пораѓање веќе истече. Сега, имам дозвола и можам мојата ќеркичка да ја возам каде и да посакам.“

Што друго да се прави, освен да и се честита на исклучителната храброст.