Една баба од Британија не можела да купи виски во една продавница во Есекс затоа што немала документ со себе да потврди дека има повеќе од 18 години...

Дајан Тејлор (92) влегла во продавница за да купи шише виски за својот син, но продавачката одбила да ја услужи во отсуство на документ со фотографија.

„Делуваше смешно, прво помислив дека продавачката ми дава комплимент, но набрзо сфатив дека не се шегува. Извадив пропусница за автобус и крводарителска книшка, но залудно“, рече старицата која има дури и правнуци.

Претставник на продавницата и се извинил на Дајан за овој инцидент, но напоменал дека персоналот не смее да продава алкохол на муштерии кои не покажуваат личен документ на увид.

Ова не е прв случај во оваа продавница да одбијат да продадат алкохол на личности кои при себе немаат лични документи, иако очигледно се доволно стари за легално да купат што сакаат.

Исто така поминал и 67 годишниот Крис Пејџ минатата година, кога не можел да купи шише алкохолен пијалок.