Ако одговорот е потврден, не читајте ја оваа вест, не гледајте ја сликата, не пуштајте го видеото!

Германката Ортруд Кастаун (61) влезе во Гинисовата книга на рекорди како личност со најголема колекција на кловнови и „предмети поврзани со нив“, пренесуваат светските агенции.

Ортрут кловнови почнала да собира пред 15 години, кога одела на психотерапија за одвикнување од алкохол.

„Терапевтот ми даде да склопувам сложувалка и склопив кловн како скока од кутија. Нешто ‘кликна’ во мене, а пред тоа дури не ни сакав кловнови“, објаснува таа.

Ортруд собрала 2.053 примероци од кловнови и играчки поврзани со нив, и морала да се пресели во поголема куќа во Есен за сите нејзини кловнови да ги собере во куќата.