На 21-годишна возраст луѓето имаат 99 пријатели, повеќе отколку во било кој период во нашите животи, покажува новото истражување...

Типичниот круг на 21-годишните вклучува близу 100 лица, од кои 13 "најдобри пријатели", 17 "блиски пријатели" и 70 познати. Истражувањето, спроведено од козметичката марка "Нивеа", утврди дека социјалниот круг го достигнува својот врв на 21 година, кога се среќаваме со луѓе на работното место и истовремено ја задржуваме врската со пријателите од училиштето и факултетот.

Но, бидејќи нашата работа постепено зема приоритет, ги губиме контактите со некои стари пријатели, поради што бројот на пријателите ни се намалува на околу 68 до 29-годишна возраст. Иако намалувањето продолжува со староста, тоа се забавува малку во 30-те години, кога многу луѓе стануваат родители за прв пат. Причината е тоа што луѓето создаваат нови пријателства, кога се родители, посетувајќи постродилни групи и водејќи ги малите деца во градинка.

Истражувањето на "Нивеа" утврди уште дека, балансот помеѓу бројот на нашите најдобри пријатели, блиските пријатели и познатите останува релативно постојан во нашите животи.

Еден просечен Британец има 18 блиски пријатели, а целиот пријателски круг вклучува 208 пријатели.

Околу 25% од Британците го дефинираат партнерот како нивниот најдобар пријател, една петтина сметаат дека тоа е нивната мајка, а 14% - брат, или сестра.