Британец повикал итна служба за да пријави „необична светлечка појава“...

Неименуван маж од Хертфордшир повикал итна служба и пријавил дека „нешто огромно“ свети над неговата куќа.

Операторката го прашала за светлото, дали произведува некаква механичка бука или слично, а загрижениот маж замолил надрлежните да ја истражат таа појава.

Се јавил неколку минути подоцна, засрамен, и признал дека дошло до грешка.

„Нема да ми верувате, но... тоа е Месечината“, признал тој.

Асистент менаџерот Џејсон Бакстер предупредил дека такви повици, без разлика дали станува збор за грешка или обид за духовитост, им одземаат значајно време на операторите, додека вистинските итни случаи чекаат.