Гас и Џенифер Луна имале незаборавна венчавка - среде песочна бура!

Гостите на младиот пар се собрале на 10 септември на венчавка која се одржувала на отворено, во американската држава Аризон - не претпоставувајќи дека таму ќе ги дочека „судниот ден“.

Таман кога младенците се подготвувале да ги изговорат заветите, одеднаш, налет на силен ветер со наноси песок, се срушил на нив. А по него следел уште еден, па уште еден...

„Го кренав погледот и го видов тој огромен облак од песок и прашина, мислев дека сите ќе не проголта“, рече младоженецот за локална ТВ станица.

Свештеникот побрзал да ја заврши церемонијата, дозволувајќи им само „на брзинка“ да се бакнат.

Младенците во еден момент се обиделе да се заштитат од песочната стихија и да се скријат под еден нежен бел чадор - но, недолго потоа и тој „отишол во историјата“.

Погледнете.