Аpple iPod прославува десет години од постоењето, а за тоа време стана најпродаван уред од тој вид - до сега е продаден во 300 милиони примероци!

Новиот, револуционерен Apple уред за слушање кој може да го собере и во најмалиот џеб во јавноста го претстави Стив Џобс во октомври 2001 година.

Тој прв модел имаше монохромен екран од 1,8 инчи, хард диск од пет гигабајти со капацитет од 1.000 музички содржини, 10 часа автономија на работа, како и навигационен систем кој тогаш беше голема новина.

Следните модели се појавија во 2004 година - iPod Mini, 2005 година - iPod Nano и iPod Shuffle, 2007 година - iPod Тouch.