Британскиот милијардер Ричард Бренсон свечено го претставил првиот комерцијален космодром во пустината на југот од Ново Мексико. Првите туристи во вселената ќе одат во 2013 година...

Бренсон е на вселенскиот терминал отворил шампањско во друштво со гувернерката од Ново Мексико, Сузана Мартинез, астронаутите Без Олдрин и голем број на "кандидати" за патување во вселената.

Британскиот милијардер речиси пред една година го прославил завршувањето на пистата на својата компанија Virgin Galactic. Сега се довршени и космодромот и вселенскиот брод, а компанијата моментално работи на ракетните тестови.

Бренсон рекол дека тест летовите ќе бидат завршени до крајот на 2012 година и дека потоа ќе тргнат во вселената првите патници.

Веќе повеќе од 450 луѓе купиле карти за патувањето во Вирџин Галактик. Лет од 2.5 часа, со пет минути бестежинска состојба и поглед кон Земјата од вселена, чини 200 илјади долари, а меѓу првите патници ќе биде и самиот Бренсон и неговите две деца.

Изградбата на космодромот чинело 209 милиони долари. Пистата е долга 3.2 километри а површината на терминалот и хангарот изнесува 10.233 квадратни метри.

Комерцијалниот сообраќај ќе почне кога компанијата ќе добие дозвола од Федералната администрација за авијација. НАСА со Вирџин Галактик потпишала 4.5 милиони долари вреден договор за три истражувачки чартер летови.