Уметник од Норвешка свира на инструменти кои ги направил од мраз...

Тери Исунгсет станал познат не по својата уметност, туку по инструментите на кои свира - харфи, труби, гитари...направени од мраз.

Ако сакате да свирате гитара, а немате доволно пари да ја купите, направете го она што и "ледениот крал го прави" - одете на замрзнато езеро, извлечете парче мраз, а потоа направете го да личи на инструментот кој го сакате.

Тери тврди дека секој инструмент кој го направил има специфичен звук и трае барем 50 настапи. Некои пак се пократки од тоа, по што се враќаат во првобитната агрегатна состојба.

"Морам да ги слушам своите инструменти. Наместо да одредувам како звук ќе произведувам, инструментите ми диктираат како да свирам", рекол Тери.

Интересно е тоа што уметникот пред настап неможе да одржи проба, бидејќи инструментите се топат.

Се започнало во 2006 година, кога тој, тогашен член на неколку "Денс" бендови, почнал да удира по мраз. Набрзо почнал да копа по мразот и да ги прави своите инструменти. Според неговите зборови, најдобар звук настанува од глечерите на северот од Шведска.

Слушнете една "стара ледена" песна.