Покрај цела модерна технологија на бродот кој го киднапирале сомалски пирати, помошта стигнала благодарение на порака во шише...

За случаи на киднапирање на брод, сопствениците на својот екипаж му обезбедуваат средства за одбрана, како хемиски спрејови. Но, екипажот на киднапираниот брод Монтекристо посегнале по малку постара „технологија“ - порака во шише. Пораката им ја пратиле на НАТО силите.

Се почнало кога пиратите им влегле на бродот. Морнарите се заклучиле во една просторија, а кога пиратите им ја онеспособиле комуникацијата морале да бидат креативни во праќањето на повик за помош. Тогаш напишале порака на парче хартија, ја ставиле во шише и ја фрлиле во морето.

Во пораката немало само повик за помош, туку и известување дека сите членови на екипажот се добри и дека се заклучени во една од просториите. Кога ја добиле информацијата, НАТО тргнале во акција и го спасиле бродот и екипажот.