Двајца истражувачи тврдат дека славниот холандски сликар не си го одзел сам животот, како што се мислеше до сега...

Стивен Најф и Грегори Вајт Смит во книгата „Ван Гог: Живот“ тврдат дека Винсент ван Гог не се стрелал самиот себе со пиштол во градите во јули 1890 година.

Легендарниот постмодернист настрадал од рана нанесена со огнено оружје на 37 годишна возраст, а не било тајна дека со години се борел со анксиозност и ментални проблеми.

Најф и Смит, добитници на Пулицер за биографијата на уметникот Џексон Полок, тврдат дека Ван Гог не се убил во поле во француското градче Овер сур Уазфранс.

„Невозможно е да можел да се докопа до огнено оружје, затоа што се знаело дека престојувал во установи за ментално здравје. Исто така, ако сам себе си ја нанел раната со намера да се убие, зошто тогаш по ранувањето поминал повеќе од километар по незгоден терен и каде сакал да оди“, наведуваат тие.

Авторите сметаат дека Ван Гог случајно го застрелале две локални момчиња, кои си играле со пиштол.

Овие тврдења тие ги „извлекле“ од до сега непреведените писма кои припаѓаат на семејството на познатиот сликар.