На мажи со различни сексуални проблеми, кои им пречат во остварувањето на нормална врска им помагаат психотерапевти кои - спијат со нив...
Во Велика Британија, но и ширум Европа, работат психотерапевти кои се „сексуален надоместок“ за пациентите. А за тоа наплаќаат ненормални суми. Пакет од девет терапии чини повеќе од 250.000 македонски денари! Пациентите ги има од сите возрасти, а најчесто ги мачи ерективна дисфункција или предвремена ејакулација.
Помош бараат сите - адвокати, обични работници или студенти. Оженети или неоженети. На терапијата, пишува на страницата International Professional Surrogates Association, се работи на опуштање, ефективна комуникација со пациентот, сензуално и сексуално допирање и подобрување на социјалните вештини. Понекогаш сето тоа завршува со вистински сексуален однос. Терапијата помага, пишува на страницата, така што пациентите се поопуштени, се чувствуваат поудобно и психички и физички.
„Ваквата терапија не ги решава основните емоционални потешкотии. Сексуалната замена може да ве научи на сексуалност, но не и како да сакате или како да ја задржите саканата личност“, рече доктор Мајкл Ментел за Daily Mail.
Терапијата потекнува уште од 50-тите години. Вилијам Мастерс и Вирџинија Џонсон 11 години работеле на студија која опфаќала 510 венчани парови, 54 самци и 3 девојки без партнери. Избрале 54 жени кои доброволно учествувале во истражувањето како привремени сексуални замени. На крајот развиле двонеделна програма за која тврдат дека е 80% ефикасна.
„За пациентите ваквата терапија може да биде зезната затоа што тие емотивно се поврзуваат со терапевтката што може да го отежни наоѓањето на вистинска партнерка“, предупредува доктор Ментел.
