Меѓународен тим научници собрал „неоспорни докази“ за постоење на Јети во руската област Кемерово, во Сибир, соопштија локалните власти...

„За време на експедицијата во пештерата Азаскаја, истражувачите наишле на неоспорни докази дека снежниот човек навистина постои и дека живее во планинската област Шорија“, се истакнува во соопштението кое синоќа е објавено на интернет.

„Пронајдени се отисоци од стапалата на снежниот човек, неговото дувло како и начинот на кој ја означува својата територија. Во еден од отисоците од стапала пронајдени се влакна за кои се верува дека му припаѓаат на Јети“, наведува истиот извор, пренесуваат руските медиуми.

За властите на Кемерово вреќе нема сомнеж. Овие докази, „кои се проучуваат во една научна лабораторија“, потврдуваат дека снежниот човек живее на нивната територија и дека е неопходно да основаат центар за проучување на Јети при државниот универзитет.

Меѓутоа, многумина се сомневаат дека ова се само уште една маркетиншка кампања за да се поттикне туризмот во тој регион. Неодамна во една таква кампања учествуваше и познатиот руски боксер и светски шампион во тешка категорија, Николај Валуев.