Тој не решава проблеми, не спасува убавици од неволја - тој ве гаѓа со кучешки измет...!

Млад чех, кој се претставува како маскираниот херој Супер Вацлав, патролира по улиците на Прага од кога тој град е прогласен за „европска престолнина на кучешки измет“, односно град во кој сопствениците најмалку се грижат за тоа каде нивните миленичиња ги извршуваат природните потреби.

Супер Вацлав маскиран оди по парковите по Прага, ги следи несовесните сопственици на кучиња, потоа го собира нивниот измет и со него ги гаѓа сопствениците! Исто така, неколку пати луѓето кои пушеле на недозволени места ги полевал со кофи вода.

„Мојата мисија е да го исчистам градот од безобразници“, рече тој за локалните медиуми.

Единствената „супермоќ“ која Супер Вацлав ја има е брзото трчање, кога „жртвите“ полиени со вода или измачкани со измет почнуваат да го гонат.