Британските научници од универзитетот во Ланкастер дошле до откритие кое би можело да им помогне на луѓето кои не можат да се ослободат од сеќавања на грди и трауматични случувања или страдат од различни видови фобии...

За да дојдат до решението, истражувачите морале да го откријат начинот на кој човечкиот мозок се носи со стресот. Експериментите се спроведени на глувчиња кај кои со генетски инженеринг било оневозможено создавање на протеинот липокалин 2.

Се покажало дека тие глувчиња имаат посилна реакција на стрест околку глувчињата на кои количината на тој протеин им е на нормално ниво.

Сепак, научниците тврдат дека се потребни уште истражувња за да се потврди дека подигањето на нивото липокалин 2 навистина помага во борбата со лошите спомени.

„Пореметувањата поврзани со стресот се многу чести и од нив страда речиси третина од популацијата“, истакна доктор Роберт Повлак, кој учествувал во ова истражување.

„Ние сакаме да испитаме дали ова откритие може да се примени на луѓето и дали навистина може да се употреби како помош кај анксиозните пореметувања и депресијата“, додаде тој.