Low Line е името на паркот кој ќе биде изграден под земјата...

Дрвја, базени, шеталишта, клупи и цвеќиња на простор од 18.000 квадратни метри ќе бидат составни делови од паркот чие градење е планирано под земјата. Изградбата се планира на железничката станица напуштена во 1948 година, во западниот дел на Менхетен.

Во него ќе се користи соларна технологија со која сончевата светлина би се спроведувала до подземјето и ќе ги храни растенијата. За проектот би се користел систем на ‘далечинска светлина’ со чија помош светлината би доаѓала низ оптички влакна, филтрирајќи ги ултравиолетовите и ифрацрвените зрачења, но овозможувајќи фотосинтесза.

Оваа технологија овозможува изработка на зелени површини во непријателско опкружување, како што сонцето влегувало во древните египетски пирамиди. Истата технологија веќе е применета во Потсдамскиот булевар во Берлин, каде станицата во метрото се осветлува со помош на шахта со огледала.