Сакаш да пиеш? Внимавај, Фејсбук може да те "прогласи" за алкохоличар...

Профилите на студентите на Фејсбук може да укажуваат на потенцијални алкохоличари, велат американските научници.

Истражувачки тим предводен од Меган Морено на универзитетот Vinskonsin-Medison, заклучил дека студентите кои често пишуваат за опивање или поставуваат фотографии на кои се пијани, имаат поголема веројатност да станат зависници од алкохол.

"Резултатите покажуваат дека клиничките критериуми за утврдување на проблемите со алкохолизмот можат да применети и во случај на податоци од Фејсбук", се наведува во студијата објавена во аривата на педијатрија и адолесцентна медицина.

Истражувачите сметаат дека профилите на Фејсбук би можеле да им помогнат на училиштата за да се утврди кои студенти имаат проблем со алкохолот, и на тој начин да им помогнат.

Единствениот проблем, според нив е дека ова ќе ја наруши приватноста на студентите.